Benvengudes! Benvengudi!
Es Congrèssi Catalans d'Esperanto combinen conferéncies de naut nivèu damb un programa artistic qu'includís convidadi de prumèra fila der encastre esperantista. Enguan eth 36au Congrès Catalan d'Esperanto qu'acuelh eth 1r Congrès Occitan d'Esperanto, e eth tèma qu'ei plan restacat ath país mos acuelh: Occitània.
Occitània qu'ei eth país der occitan. Compren 32 departaments der estat francés, 12 valades alpines en Piemont italian, eth principat de Mónegue e era Val d'Aran ena comunautat autonòma de Catalonha.
En 2013 es occitans commemòren eth 800au anniversari dera batalha de Murèth, eth 700au anniversar dera Querimònia d'Aran e es 500 anniversari deth Tractat deth Plan d'Arrem de Lies e Patzeries (v. seccion Eveniments Istorics).
Es esperantistes qu'avaloram era diuersitat lingüistica e la defenem, pr'amor que consideram que totes es lengües son egaus en valor e drets, e cap d'eres se de subordinar a cap d'auta.
Cada pòble era sua lengua
En Mon se parlen entre 4000 e 6000 lengües, que, segontes es estimacions mès optimistes, 50% son en perilh d'extinguir-se enes pròplèus ans. 96% son parlades per solament 4% dera populacion mondiau. Es esperantistes sabem qu'eth nombre de parlants e ei un factor important, mès que totes es lengües, siguen majoritàries o minoritàries, be daurissen naues perspectives e cau avalorar-les totes damb egalitat.
Cada còp que desapareish ua lengua, que desapareish ua manèra de compréner era vida e ua manèra d'exprimir era coneishença. Eth desequilibri lingüistic hè ara umanitat mès prauba en idèes, en pensament e en manères de víuer e d'explicar era realitat.
Er esperanto qu'ei respectuós damb totes es lengües e qu'arrefuse era imposicion lingüistica, en tot preservar er espaci de libertat de cada lengua. Era lengua pròpria qu'ei eth ben mès preciós de cadun de nosati, ua riquesa que mos cau avalorar pr'amor que mos identifique e mos esmò: digues mercés a quauquarrés ena sua lengua, per malaisida que te semble e segur que lo haràs a arridolar!
Se non as participat jamès en un eveniment esperantista e/o internacionalista, te convidam a que veigues coma eth movement esperantista ei un movement mondiau que fomente era diuersitat lingüistica, pr'amor que lute peth dret de toti es pòbles a emplegar era sua pròpria lengua.
Gaudís deth Congrès, sigues liure de mostrar es tues opinions e de veir un Mon a on lengües e cultures non se pelegen, mès que dancen ua dança fantastica. T'ac auem avertit, non manques aquera escadença!!!