Era Val d'Aran
Era Val d'Aran, o Aran, qu'ei un parcan occitan que politicament se tròbe en extrèm nòrdoccidentau de Catalonha. Maurat qu'era Val se tròbe laguens es termières der Estat espanhòu, qu'ei culturauments e lingüisticaments occitana, mès concrètament, gascona.
S'agís d'ua val pirenenca qu'eth sòn cap-lòc e ei Vielha e qu'a un govèrn autonòm pròpri, eth Conselh Generau d'Aran. Era lengua oficiau qu'ei er occitan, tanben nomentat aranés; eth catalan e eth castelhan son tanben lengües cooficiaus. Era sua hèsta nacionau qu'ei eth 17 de junh, en commemoracion dera restauracion deth Conselh Generau e eth sòn imne oficiau qu'ei ua cançon d'amor coneguda en Occitània tota, e que ne podètz escotar ua version en esperanto en aguest ligam.
Aran qu'ei un país fòrça toristic, tant en iuèrn coma en estiu; e prepause nhèu, espòrts, excursions polides, benestança, bona gastronomia, istòria, eth charme des sòns abitants e païsatges beròis. Vesitatz eth sit web de Torisme Val d'Aran.
