En Andoro

La pasintan 18an kaj 19an de majo grupo de okcitanaj esperantistoj, kun la helpo de Kataluna Esperanto-Asocio, prezentis Esperanton en Andoro cele al revivigo de la esperanto-movado tie.

La 18an de majo okazis prezento kaj ekspozicio en la Kongresejo de la ĉefurbo. La sekvan tagon oni starigis budon en foiro okaze de la tutmonda tago de la kultura diverseco.

Krom andoraj aŭrotitatoj, pluraj homoj vizitis la budon kaj eĉ montris intereson revivigi la malaperintan lokan esperanto-grupon. Tiucele almenaŭ 15 homoj kunvenos kun la esperantistoj postsomere.

Ni estis ankaŭ invititaj starigi la budon kaj prezenti nian movadon por lingvaj rajtoj en la Andora Foiro okazonta oktobre.