KEA okazigas sian Ordinaran Ĝeneralan Asembleon de 2025

Pasintan 29an de Marto okazis la Ordinara Ĝenerala Asembleo de KEA en Centro de Esperanto Sabadell. Utilis la asembleo por klarigi la agadon pasintjaran, renovigi la Estraron kaj proponi jen agadojn jen buĝeton por la sekva jaro.

La asembleon antaŭis, ĉifoje, la presentado de la libro “Mil Cretins / Mil kretenoj“, kataluna-esperanta dulingva versio de tiu eta rakontaro fare de Quim Monzó, tradukitaj al Esperanto de Antonio Valén. La prezentadon ĉeestis la tradukanto mem kaj Alfons Tur, prezidanto de KEA, kaj ĝi okazis en la Popola Kulturdomo El Tallaret de Sabadell.

Paralele, la Kataluna Esperanto.Junularo (KEJ) okazigis ties tradician bierumadon ankaŭ en Sabadell, en la trinkejo Estruch Bar, kie eblis konversacii per la internacia lingvo kun aliaj gejunuloj ĉeestantaj la Ĝeneralan Asembleon.

Dum la asembleo aprobiĝis la bilanco de 2024 kaj ankaŭ la agadraporto de la asocio kaj la eldiro de la Kontrola komisio. Poste estis elektita la sola kandidato esti prezidanto de KEA. estrita denove de Alfons Tur, kaj estis aprobita komponado de la nova Estraro, senŝanĝa ekscepte de la eliro de Maria Sánchez, Enric Pineda kaj Albert Claret. La sekretari-postenon ekhavis Toni Espinosa.