Programo de la 35a Kataluna Kongreso de Esperanto

Katalunlingva prelego pri allogeco de Esperanto, ateliero pri tutmondaj popoldancoj kaj koncerto de la okcitana kantisto JoMo ekos la 35an Katalunan Kongreson de Esperanto, kiu ĉi-jare okazos en Barcelono de la 28a ĝis la 31a de oktobro.

La sekvan tagon, sabaton la 29an de oktobro, okazos sinksekvo da prelegoj, prezentoj, rondaj tabloj, atelieroj, ludoj kaj kunvenoj. Dum tiu tago estos libro kaj diskoservo, kaj la kataluna grupo Kaj Tiel Plu fermos la tagon per balo.

Dimanĉe la kongresaj aranĝoj okazos en diversaj lokoj de la urbo. Laŭ la programo matene okazos omaĝo al internaciaj brigadanoj kaj posttagmeze estos historia ekskurso tra la urbo gvidata en la internacia lingvo de profesia historiisto. Korusa koncerto kaj poezia vespero fermos la tagon.

Lunde okazos la konkludaj prelegoj, la kongresa fermo kaj sekvos frateca bankedo.

Marde estas enprogramita postkongreso en Sant Pau d’Ordal, urbeto gastiganta la Muzeon de Esperanto de Subirats.

Ĉiuj aranĝoj, krom tiuj dimanĉaj, okazos en kulturcentro La Farinera del Clot, en placo Glòries. La dimanĉaj koncertoj kaj la poezia vespero okazos en poezia kafejo Horiginal, antaŭ MACBA (la muzeo pri moderna arto). Tie okazos ankaŭ la lunda bankedo.

Dum la kongreso estos ejo por infanoj kiuj ĝuos ludan kaj aktivan kongreseton.

En Òmnium Cultural

Venontĵaŭde, la 20an de oktobro, Kataluna Esperanto-Asocio prezentos publike la kongreson kaj sian idearon. La aranĝo okazos en la sidejo de Òmnium Cultural, carrer de la Diputació 276 pral.

PROGRAMO DE LA 35a KATALUNA KONGRESO DE ESPERANTO

Vendrede la 28an de oktobro

en Centre Cultural La Farinera del Clot

• 17:00 Akceptado de la kongresanoj
• 18:00 Kial esperanto estas tiel alloga? (en la kataluna). Far Ramon Rius
• 18:00 Ateliero pri tutmondaj popoldancoj. Far Mon Cardona
• 22:00 Koncerto de JoMo

Sabaton la 29an de oktobro

en Centre Cultural La Farinera del Clot

• 10:00 Malfermo de la kongreso
• 10:30 Lingva politiko de EU: Kontraŭdiro inter proklamita justo kaj praktikata maljusto. Far Zlatko Tišljar
• 10:30 Poezia komisiono. Far Jorge Camacho
• 10:30 Ateliero pri koruskantado. Far Carles Vela
• 10:00 Homlupa ludo. Far Joan Ramon Guiñón
• 11:30 Edukado de kvarlingva infano: naĝado kontraŭ la fluo. Far Katalin Kováts
• 11:30 Lingva kaj politika situacio en Belgio. Far Kevin de Laet
• 12:30 Kiel verki, traduki kaj legi poemojn. Far Jorge Camacho
• 12:30 Prezento de la libro de Delfí Dalmau Poliglotisme Passiu i altres escrits (en la kataluna). Far Jordi Solé i Camardons
• 12:30 Ludo: talismanoj. Far Abel Montagut
• 16:00 Jules Verne kaj Esperanto: la lasta romano. Far Abel Montagut
• 16:00 Strategio de EEU. Far Zlatko Tišljar
• 16:00 Ateliero pri uzado de la retejo de KEA. Far Guillem Sevilla
• 17:00 Lingvaj relativismo kaj minimumismo. Far Rubén Fernández
• 17:00 TEJO sin prezentas. Far Michel-Boris Mandirola
• 17:00 Laborkunveno de Kataluna Esperanto-Asocio
• 17:00 Homlupa ludo. Far Joan Ramon Guiñón
• 18:00 Ronda tablo pri lingva diverseco en Eŭropa Unio
• 18:00 Defioj de la nuntempa instruado de Esperanto. Far Katalin Kováts
• 19:00 Asembleo de KEJ
• 22:00 Koncerto kaj balo de Kaj Tiel Plu

Dimanĉon la 30an de oktobro

• 10:00 Renkontiĝo antaŭ la pordo de la kongresejo por ekveturi kune buse
• 11:30 Omaĝo al internaciaj brigadanoj en Fossar de la Pedrera. Far Dani Cortijo kaj Kaj Tiel Plu
• 16:00 Renkontiĝo en la centro de placo Catalunya
• 16:30 Historia ekskurso laŭ la historio de Barcelono. Far Dani Cortijo
• 19:00 Koncerto de Cor Acord, el Barcelono, kaj Tut-Pirenea Esperanto-Koruso (TutPEKo) en la poezi-kafejo Horiginal
• 21:00 Poezia vespero. Far Jorge Camacho

Lundon la 31an de oktobro

en Centre Cultural La Farinera del Clot

• 10:30 Poezia komisiono. Far Jorge Camacho
• 11:30 Konkluda prelego. Far Zlatko Tišljar
• 12:30 Kongresa fermo
• 14:00 Frateca bankedo en poezia kafejo Horiginal

Mardon la 1an de novembro okazos postkongreso en Sant Pau d’Ordal, urbeto gastiganta la Muzeon de Esperanto de Subirats.